இளைஞர் கண்ணில்

பிரிவினைகள் குவிந்த மண்ணில்
பேதங்கள் நிறைந்த மண்ணில்
நரித்தனங்கள் நடக்கும் மண்ணில்
நாளைய கனவு எண்ணி
நடைபோடும் இளைஞர் கண்ணில்
நம்பிக்கைத் துளியும் இல்லை
கடைவிரித்தக் கவிஞர் சொல்லைக்
கிஞ்சித்தும் கருத வில்லை

நாட்டினிலே நடக்கும் காட்சி
நன்றாக உற்று நோக்கல்
ஏட்டினிலே எழுதும் செய்தி
எடைபோட்டுப் பார்க்கும் பண்பும்
எள்ளலவும் அவருக் கில்லை
ஏன்தானோ தெரிய வில்லை
கள்குடித்தக் கயவர் போலேக்
கிடக்கின்றார் மயங்கி வீணே