அலைகடல் மேலே வலைவிரிப்போம்
ஆயிரம் மைல்கள் பயணிப்போம்
நிலையிலா வாழ்க்கை வாழுகிறோம்
நீர்இலை எறும்பாய் வாடுகிறோம்
மனைவி மக்கள் கரையினிலே
மன்னவன் மட்டும் அலையினிலே
மனையும் உயிரும் நிலையில்லை
மாக்கடல் தாயே துணையெமக்கு
தெக்குத் தெரியாமல் போயிடுவோம்
தினம்தினம் செத்தே பிழைத்திடுவோம்
எக்குத் தப்பாய் திசைமாற
எல்லை சிக்கலில் உயிரிழப்போம்
அடிக்கும் அலையினில் சிக்காமல்
ஆபத்து மீனிடம் மாட்டாமல்
இடித்து பாறையில் மோதாமல்
இன்னுயிர் பிழைத்தல் மறுபிறவி
உப்பு நீரினில் உயிர் வளர்த்து
உறவுகள் மறந்து உழைப்பெடுத்து
தப்பித் தவறி மீன்பிடித்தால்
தரகனேப் பெருந்தொகை விழுங்கிடுவான்
உள்ளூர் வலைக்குத் தடையிங்கே
உலக வர்த்தகம் தாராளம்
கொள்ளை கடல்வளம் ஏராளம்
கொள்கை வகுத்தாள் தாயிங்கே
கடலைப் படைத்தது கவர்ன்மென்டா?
கயலை விதைத்ததும் கவர்ன்மென்டா?
அடடா இவனுக்கு அதிகாரம்
அடக்கிட எங்களை எவனளித்தான்?
கடலோடு தானேயாம் பிறந்தோம்
கடலன்னை பாலைதான் குடித்தோம்
கடலன்னை தாலாட்டில் உறங்குகிறோம்
கவர்ன்மென்டு உயிரைப் பறிப்பதற்கா?
ஆழி நீரினில் கோடெதற்கு?
அலைகடல் ஆண்டிட ஆளெதற்கு?
தாழி உடைத்திட தாயெதற்கு?
தரணியில் வன்முறை வளர்ப்பதற்கா?
உலக வர்த்தக உடன்பாடு
உரிமை பறிக்கும் ஏற்பாடு
கலகம் அதனால் தானிங்கே
கழுத்தை அறுக்கும் சமன்பாடு
குப்பம் முழுதாய் அழித்துவிட்டு
கும்மாள மடிக்க விடுதிகளை
செப்பமாய் கட்டிக் குவிக்கின்றான்
செம்படவர் வாழ்க்கை அழிக்கின்றான்
ஆழ்கடல் மீன்பிடி படகுகளை
அமெரிக்க கழுகுகள் வட்டமிடும்
ஈழம் அருகே சிங்களவன்
இழுத்து வலைகளை அறுக்கின்றான்
எங்கள் கடலுக்கு ஏன்வந்தாய்?
எல்லை சிக்கலை எழுப்புகிறான்
திங்கள் ஒளியும் அங்கில்லை
தினம்தினம் மடக்கிப் பிடிக்கின்றான்
மீன்களை கொள்ளை அடிக்கின்றான்
மீனவர் கொன்று குவிக்கின்றான்
ஆண்மை இலாத ஆட்சியாளர்
'ஆ'வென விழித்து நிற்கின்றார்
கச்சத் தீவை கடன்கொடுத்தோம்
கைகள் குலுக்கி உறவுகொண்டோம்
அச்சம் சிறிதும் இல்லாமல்
அதிகார போதையில் ஆடுகிறான்
பரந்து விரிந்த தேசமக்கள்
பல்லாங் குழியிடம் அகப்பட்டு
இறந்தும் போகும் நிலைகண்டும்
இந்தியத் தாயிடம் இரக்கமிலை
ஏனிந்த நிலையென புரிகிறதா?
எம்முயிர் இனமே தெரிகிறதா?
கூனை நிமிர்த்து நேராகு!
குவலயம் வெல்ல வீராகு!
கடலன்னை என்றும் ஓய்ந்ததில்லை-அலைக்
கைகள் மடக்கி சாய்ந்ததில்லை
உடலை வருத்தி தொண்டாற்று
உயர்வாய் விரைவாய் விண்போற்ற!
ஆயிரம் மைல்கள் பயணிப்போம்
நிலையிலா வாழ்க்கை வாழுகிறோம்
நீர்இலை எறும்பாய் வாடுகிறோம்
மனைவி மக்கள் கரையினிலே
மன்னவன் மட்டும் அலையினிலே
மனையும் உயிரும் நிலையில்லை
மாக்கடல் தாயே துணையெமக்கு
தெக்குத் தெரியாமல் போயிடுவோம்
தினம்தினம் செத்தே பிழைத்திடுவோம்
எக்குத் தப்பாய் திசைமாற
எல்லை சிக்கலில் உயிரிழப்போம்
அடிக்கும் அலையினில் சிக்காமல்
ஆபத்து மீனிடம் மாட்டாமல்
இடித்து பாறையில் மோதாமல்
இன்னுயிர் பிழைத்தல் மறுபிறவி
உப்பு நீரினில் உயிர் வளர்த்து
உறவுகள் மறந்து உழைப்பெடுத்து
தப்பித் தவறி மீன்பிடித்தால்
தரகனேப் பெருந்தொகை விழுங்கிடுவான்
உள்ளூர் வலைக்குத் தடையிங்கே
உலக வர்த்தகம் தாராளம்
கொள்ளை கடல்வளம் ஏராளம்
கொள்கை வகுத்தாள் தாயிங்கே
கடலைப் படைத்தது கவர்ன்மென்டா?
கயலை விதைத்ததும் கவர்ன்மென்டா?
அடடா இவனுக்கு அதிகாரம்
அடக்கிட எங்களை எவனளித்தான்?
கடலோடு தானேயாம் பிறந்தோம்
கடலன்னை பாலைதான் குடித்தோம்
கடலன்னை தாலாட்டில் உறங்குகிறோம்
கவர்ன்மென்டு உயிரைப் பறிப்பதற்கா?
ஆழி நீரினில் கோடெதற்கு?
அலைகடல் ஆண்டிட ஆளெதற்கு?
தாழி உடைத்திட தாயெதற்கு?
தரணியில் வன்முறை வளர்ப்பதற்கா?
உலக வர்த்தக உடன்பாடு
உரிமை பறிக்கும் ஏற்பாடு
கலகம் அதனால் தானிங்கே
கழுத்தை அறுக்கும் சமன்பாடு
குப்பம் முழுதாய் அழித்துவிட்டு
கும்மாள மடிக்க விடுதிகளை
செப்பமாய் கட்டிக் குவிக்கின்றான்
செம்படவர் வாழ்க்கை அழிக்கின்றான்
ஆழ்கடல் மீன்பிடி படகுகளை
அமெரிக்க கழுகுகள் வட்டமிடும்
ஈழம் அருகே சிங்களவன்
இழுத்து வலைகளை அறுக்கின்றான்
எங்கள் கடலுக்கு ஏன்வந்தாய்?
எல்லை சிக்கலை எழுப்புகிறான்
திங்கள் ஒளியும் அங்கில்லை
தினம்தினம் மடக்கிப் பிடிக்கின்றான்
மீன்களை கொள்ளை அடிக்கின்றான்
மீனவர் கொன்று குவிக்கின்றான்
ஆண்மை இலாத ஆட்சியாளர்
'ஆ'வென விழித்து நிற்கின்றார்
கச்சத் தீவை கடன்கொடுத்தோம்
கைகள் குலுக்கி உறவுகொண்டோம்
அச்சம் சிறிதும் இல்லாமல்
அதிகார போதையில் ஆடுகிறான்
பரந்து விரிந்த தேசமக்கள்
பல்லாங் குழியிடம் அகப்பட்டு
இறந்தும் போகும் நிலைகண்டும்
இந்தியத் தாயிடம் இரக்கமிலை
ஏனிந்த நிலையென புரிகிறதா?
எம்முயிர் இனமே தெரிகிறதா?
கூனை நிமிர்த்து நேராகு!
குவலயம் வெல்ல வீராகு!
கடலன்னை என்றும் ஓய்ந்ததில்லை-அலைக்
கைகள் மடக்கி சாய்ந்ததில்லை
உடலை வருத்தி தொண்டாற்று
உயர்வாய் விரைவாய் விண்போற்ற!
