பசுமை இல்ல வாயுக்கள்
பல்கிப் பெருகிக் கூடுவதும்
பசுமைக் காட்டை அழித்தலும்
பல்வேதிக் கழிவுகள் பெருகுவதும்
மினசார ஆலைக் கழிவுகளும்
மிகுந்தே பூமி சூடாச்சு
எண்ணிப் பாருங்கள் உலகீரே
எத்தணை அழிவுகள் இதனாலே
ஆழி நீர்மட்டம் உயர்ந்திடும்
அலைசார் நகரங்கள் மூழ்கிடும்
வெள்ளிப் பனிமலை உருகிடும்
வெள்ளத்தால் அழிவுகள் பெருகிடும்
வறட்சியில் நிலங்கள் பிளந்திடும்
வறுமை ஒன்றே மிஞ்சிடும் -வல்
அரசும் மக்களும் உணர்ந்தாலே
அபாயம் பூமிக்கு அகன்றிடும்
கடலுக்குள்ளே மாநாடு
கவன ஈர்ப்புத் தீர்மானம்
பனிமலைகள் மேலே மாநாடு
மக்கள் விழிக்கக் கூப்பாடு
உலகை மிரட்டி அரசோச்சும்
உயரிய வசதிகள் அனுபவிக்கும்
வளர்ந்த நாடுகள் உணரட்டும்
வசதிகள் குறைத்து வாழட்டும்
